فيه بقره تبكي تبكي تبكي... تدرون ليه؟ اكيد بتقولون لان زوجها طلع ثور. لا.. لا.. لانها بقره!!

 مره فى واحد قروي لقوه يسوى تمارين رياضيه وحاط قدامه دوده مر عليه واحد قاله انت وش قصتك كل مامر من هنا اشوفك تعمل تمارين رياضيه وقدامك دوده قال: اصل الدكتور قال لى اعمل تمارين رياضيه فى دقايق معدودة

 فيه واحد عجاز .. راحت حرمته للسوق ونست مفاتيح البيت .. يوم رجعت قامت تطق الباب عليهم.. قال لولده "قم افتح الباب" .. الولد رفض (عجاز على ابوه) .. قال للبنت افتحي .. رفضت .. قام يتلفت يمين ويسار.. آخر شيء .. قال لزوجته "ياحرمه.. انتي طالق".

 فيه عجوز ركبت في لمزين قالها سواق اللمزين (( وين ياماما )) قالت مالك دخل ماعلمت اعيالي عشان أعلمك

 وش الشيء اللي يسوونه القراوى أول ما يصحون ؟ كل واحد يروح للنكتة حقته ..

 يقولك فيه شباب في الرياض ودهم يروحون للبحرين بالسيارة .. ومعهم واحد يتعتع في الكلام..المهم من يوم مسكوا خط الشرقية وهو قاعد يقول "أأأأ أأأأأ" .. يوم انتصفوا في الخط قال "أقول نسيت الجواز".. عصبوا عليه ومسكوا خط الرجعه للرياض.. ومن يوم مسكوا خط الرجعة وهو يقول "تتت تتتت تتتت" يوم قربوا يوصلون للرياض قال "ترا امزح" !!

 فيه قروي محلق الشنب والعوارض دخل على اصدقائه فى المجلس وقالهم صدقونى ماعرفتكم

 قروي وده يشتري حفايظ الطفل السعيد .. يوم راح الصيدلية نسى الاسم .. قال للصيدلي "عندك حفايظ البزر المستانس"

 فيه واحد قروي تعدى لوحة الغباء بـ 10كلم اخونا في الله سمع ان الجزر يقوي النظر .قام شرى كرتون جزر وظل يطالع فيها طول الليل

 فيه قروي راح لمحل اليكترونيات .. وسأل البائع "بكم هالتليفيزيون ؟" قاله البائع "توكل على الله ما نبيع قراوى " .. القروي قفلت معه !! وقرر انه يشري التلفزيون راح حلق شاربه ولبس بدله .. وجاء وسأل البائع "بكم هالتليفيزيون ؟ " .. قال له البائع "توكل على الله ما نبيع قراوي" القروي قفلت معاه زيادة !! وجاء من بكرة لابس عبايه .. وسأل البائع "بكم هالتليفزيون؟" .. البائع قال له " توكل على الله مانبيع قراوى " .. خلاص القروي ما عاد يستحمل !! جاء وخلع العباية وقال "ياأخي وش دراك اني انا قروي ؟!!!!" .. قال البائع .. "هذا ماهوب تلفزيون .. هذا مايكروويف " ّ!!

 فيه قروي سكران ..... ركب سيارته مرة بالليل لقي الدركسون والطبلون والدعاسات مسروقه .......راح بلغ الشرطه .........بعد شوي كلمهم قال لهم : معليش شباب امسحوا البلاغ ....... اصلاً انا كنت راكب بالمرتبه الخلفية

 يقولك في قروي سافر لأمريكا ورجع .. عاد قاعد يسولف مع امه وابوه.. ويقولهم "هناك شفت واحد طب من فوق عمارة طويييلة.. قعد ثلاث ايام لين وصل الأرض".. عاد امه سألته"طيب مات ؟؟" .. جا الأبو يستذكي قال "ثلاث أيام لا يأكل ولا يشرب .. أكيد يموت".

 خكري راح يعزي ناس .. قالهم "مافيه امل يرجع ؟ "

 يقولك فيه دكتور جاره قروي ......وعاد القروي يتلزق بالدكتور وكل يوم يسلم عليه والدكتور يرد من تحت خشمه ........بعد فتره جا القروي للدكتور وقاله يادكتور تدري اني هالمرة احسن منك رد الدكتور من تحت خشمه خير باي شي قال له القروي انا جاري دكتور وانت ياحسرة جارك قروي

 فيه واحد قروي قدم على جوال يوم طلع ركب فيه جهاز كاشف رقم المتصل

 مرة واحد خكري تخانق مع واحد عربجي العربجي ضرب الخكري لين قال بس ..الدلوع حب ينتقم راح جمع أصحابه كلهم و راح للعربجي دق عليه الباب طلع العربجي قال حير آيش عندك اخكري قال: شوف هذولي كلهم مايحبونك

 فيه تيس يلحق أسد .. ليه ؟؟ .. بايعها

 شيبة وعجوز بغو يذكرون ايام الخطوبة فقال الشيبة للعجوز: خلينا نتلاقى في حديقة الزهور فقالت العجوز: موافقة راح الشيبه وانتظر في الحديقة 10 ساعات وبعدها العجوز ما جت. فلما شافها اليوم الثاني قالها ليش ما جيتي. قالت: امي ما خلتني.

 هذي طيارة .. طاحت في الصحراء وما نجا منها الا ثلاثة .. امريكي وياباني وقروي ....المهم بغوا يموتون من العطش .. لين لقوا ذاك المصباح السحري .. ويفركونه ويطلع لهم جني .. وقال لهم "شبيكم لبيكم عبدكم بين ايديكم .. راح البي لكل واحد منكم امنية وحدة" .. الامريكي قال "ودني امريكا" .. وبلحظة عين وداه امريكا .. الياباني قال "ودني اليابان " وبلحظة عين وداه اليابان.. القروي قام يتلفت وقال "وش دعوة.. خليتوني لحالي ؟!! جبهم لي ".